(( منتديات بنات محافظة حلوان2010 ))

(( حـرية )( عدالة )( اجتماعية ))
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الي من تريد ان تلتزم!!! اليكِ قصة التزامي.

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 343
تاريخ التسجيل : 11/02/2010

مُساهمةموضوع: الي من تريد ان تلتزم!!! اليكِ قصة التزامي.    الأحد سبتمبر 05, 2010 9:44 am

السلام عليكم ورحمة الله وبركاته
اولا اشهد الله ببركة الايام المفترجه اني احبكم في الله[ندعوك للتسجيل في المنتدى أو التعريف بنفسك لمعاينة هذه الصورة]
انا جاية النهاردة احكيلكم قصة التزامي وعلشان كل واحده خايفة من الالتزام تشوف دة نعمه جميلة ازاي و الكل يتوب في شهر جميل ربنا يكتب لنا فيه اعمال مضاعفة الاجر ان شاء الله
هحكلكم ان شاء الله من وانا في تانية ثانوية عامه كنت بروح مجلس عند جيرانا في المنطقه بنت متزوجه درست في الدين وكانت بتدينا مجلس والله انا ما كنتش اعرف حاجة عن ديني واكاد لا اصلي كمان بدأت اعرف عن ديني حجات مكنتش فاهماها الاول وسمعت ان لبس البنطلون حرام اعترضت طبعا واستغربت ازاي حرام !!؟[ندعوك للتسجيل في المنتدى أو التعريف بنفسك لمعاينة هذه الصورة]
وطبعا جابتلنا ادله من القرآن والسنة على الحجاب الشرعي لينا هو اية وقالت ان النقاب سواء فرض او سنه هتعملوا اية لو وانتم بتتحاسبوا قدام ربنا وقالكم ملبستوش النقاب ليه وانا فرضته عليكم هتقولوا يارب مكناش نعرف انه فرض وافتكرناه سنة او فضل؟؟؟؟
طبعا كل دة اترسخ في دماغي[ندعوك للتسجيل في المنتدى أو التعريف بنفسك لمعاينة هذه الصورة] وبدأت اوعى لجهل كنت فيه وبدأت البس تونيكات فوق الركبة على جيب وكنت قصيرة ومليانه شوية
طبعا ماما ازاي تلبسي كدة شكلك وحش عاملة زي المدامات وشوية لعب في دماغي[ندعوك للتسجيل في المنتدى أو التعريف بنفسك لمعاينة هذه الصورة] نزلت اشترتلي بناطيل واتشغلت بالدراسة ثانوية عامة بقى
وخلصت ثانوي ودخلت كلية الشعب طبعا كلية تجاااااااااارة ههههههههههههه[ندعوك للتسجيل في المنتدى أو التعريف بنفسك لمعاينة هذه الصورة]
المهم دخلت الكلية طبعا اختلاط وشباب وبنات طبعا كان حلمي كله زي ما بيجي في الافلام العربي والاجنبي ادخل الكلية بأدبي طبعا وبشياكتي اتعرف على شباب بحدود الادب وبعدين احب واحد ويحبني ويجي يطلبني من اهلي اعمل فرح كبيييييييير وفيه دي جي وتورتة كام دور وفيديو ورقص وهجس وخلافه [ندعوك للتسجيل في المنتدى أو التعريف بنفسك لمعاينة هذه الصورة]
بدأت فعلا مبكلمش شباب الا للضرورة وكنت كتبت ورق عن محاضرة للشيخ عمر بن الكافي عن علامات الساعة الصغرى والكبرى وكنت بجمالي وحلاوتي بوزعها على الشباب والبنات في الجامعه ...قال يعني فاكره ان بحلاوتي كده هصلح الشباب هههههههه.
المهم معجبنيش استايلي وروحت لدكتور ريجيم خسست خالص وبقيت مووووزة طحن[ندعوك للتسجيل في المنتدى أو التعريف بنفسك لمعاينة هذه الصورة] يعني ههههههه وطبعا مينفعش البس نظارة دي مش كوووول خالص نزلت جبت لنسز بس مش الوان ونظارة شمس ولبس جديد ويلا عيشي حياتك
وانا بقى من اولى كلية شاب قدي بس محترم وباباه دكتور في الكلية وباباه اعمى وهو كان بيساعد باباه كتير والولد ده حاطط عينه عليا وعلطول مهتم بيا وانا بحلاوتي مبرتبطش ولا بحط الهجس دة في دماغي الحمد لله
جيت في ثانية كلية وركزوا معايا بجد شيلت في الترم الاول ثلاث مواد واحده ض ج واتنين ض
طبعا كنت في اولى طالعة صافيه انا وولد من الشلة والباقي شال مواد
المهم طبعا اتصدمت وانا مش عايزة اعيد السنة انا عايزة اخلص واشتغل واحقق نفسي واجيب فلوس كتير[ندعوك للتسجيل في المنتدى أو التعريف بنفسك لمعاينة هذه الصورة] البس واتشيك واجيب عربية ليا
المهم بدأت اذاكر والكل فاقد الامل فيا تلت مواد كتير غيري شالو اتنين وجابوا التالتة الترم التاني وعادوا السنه
والله يا جماعة كنت بدعي ربنا ليل نهار اني انجح واعدي السنه دي وقولت لماما ان شاء الله هانجح متقلقيش
يوم النتيجه بابا راح يجبهالي كان وقت الظهر دخلت اصلي الظهر وادعي ربنا يارب ارفعلي ولو ماده واحده ويارب تكون الرياضه لاني مش قادرة اذاكرها تاني
وبابا جاب النتيجه وكانت المفجأه[ندعوك للتسجيل في المنتدى أو التعريف بنفسك لمعاينة هذه الصورة] اني عديت السنه واترفعتلي الرياضه وشيلت مادتين وعديت بفضل الله وكرمه[ندعوك للتسجيل في المنتدى أو التعريف بنفسك لمعاينة هذه الصورة]
يااااااااااااااااه كان احساس فظيع وجميل جدا يااااااااااياربي انت كريم قوي عمري ما طلبت منك حاجه الا وادتهالي رغم اني بعصيك
وكانت مفجأه للكل محدش صدق بس مهما ذاكرت وعملت دة كله بفضل الله مش بعملي انا
المهم روحت سنه تالته اصعب سنه في حياتي بجد ربنا يغفرلي
بقيت اجتماعيه فوق الوصف[ندعوك للتسجيل في المنتدى أو التعريف بنفسك لمعاينة هذه الصورة] بسلم على اي شاب يدخل الشله وهزر معاه بس بحدود عارفين ايه الحدود مبسلمش بالايد ومبرطبتش هههههههههههه اضحكوا من حقكم والله
المهم جات واحده قربتي خدت بالها من الواد اياه اللي كان مهتم بيا في الكلية اللي والده دكتور في الجامعه انه مهتم بيا جدا بيبصلي كتير عايز يشاركني في كل حاجة
يا جماعه والله الولد دة كان في بنات كتير هتموت عليه وانا ولا في دماغي لاني عقلانيه شوية لسه هستناه لما يخلص كليه وبعدين جيش وبعدين يكون نفسه ويا نتجوز يا منتجوزش
رويدا رويدا دخل الشيطان[ندعوك للتسجيل في المنتدى أو التعريف بنفسك لمعاينة هذه الصورة] يلعب في الدماغ عن طريق الصحاب وايه يعني يا بنتي دة والده دكتور وهو اكبر اخواته ومستواهم حلو يعني ممكن يخطبك ويتجوزك علطول بمجرد ما يلاقي شغل
وبدأت اتكلم معاه وربنا يسامح بقى اللي كان بيمسك موبايلي ويبعتله كلام اغاني حب على مسج وهو طبعا يرد او يتصل وكنت ببقى في قمة خجلي من نرفزتي من اللي بيحصل
المهم عدت السنه على خير ونجحت وجبت تقدير وحولت من انتساب الي انتظاموكانت نقطه تحول جامده ليا وبجد فرحت جدا
طبعا كانت هوياتي الاغاني واشغلها في البيت بصوت عالي جدا ربنا يسماحني بقى علشان الجيران تسمع وتقول وووووووواو ناس كول ماشين على الموضه
واللبس طبعا باديهات على جيب وتونيكات فوق فوق الركبه بس طويلة سنة صغيره وفول ميك آب ولنسز عسلي مخضر ياااااااا الله ربنا يغفرلي بقى
والله كانوا ولاد الجامعه يبوصوا لعيني ويقولوا انتي كنتي فين ايه القمر ده [ندعوك للتسجيل في المنتدى أو التعريف بنفسك لمعاينة هذه الصورة]عينك تجنن وخلافه وكنت طبعا بنبسط..... وللحديث بقية
نقطة التحول مش هقولها الا لما اشوف الرد يا ترى اكمل واحكيلكم ربنا من عليا بالالتزام ازاي ولا اقفل الموضوع؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://panathelwan.yoo7.com
 
الي من تريد ان تلتزم!!! اليكِ قصة التزامي.
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(( منتديات بنات محافظة حلوان2010 )) :: (بنات حلوان المنتدىالعام) :: منتدى فضفضة و تجارب-
انتقل الى: