رد: حكايات الف ليله وليله

Admin المساهمات : 343 تاريخ التسجيل : 11/02/2010

رد: حكايات الف ليله وليله
انا حبتدى احكى وامرى لله بصى ياستى انا متزوجه من 8 شهور واول مره زوجى شفنى فيها كنت وقفه فى المكتبه بتاعتنا مكنتش لسه اتنقبت كنت بلبس طرحه كبيره كده المهم كان كل يوم ييجى يشترى منى حاجات ويصور ورق ومكنش يتكلم معايا خالص لانه خجول جدا وفى يوم لقيت البنت صحبتى فى المحل اللى قدام المكتبه جتلى وبتقولى جيبالك عريس فانا فى الوقت ده والله كان بيجيلى عرسان زى الهبل كتير اوى وكل اللى فى البيت كانو بيستغربو يعنى ممكن فى اليوم 5 او 3 عرسان بابا كان يتريق عليه ويقولى ده مسوره عرسان وانفجرت مره وحده هههههههههه والله المهم انى اول مشوفت الصوره قولتلها الشاب ده كل يوم بيجيلى يشترى منى حاجات قالتلى ايوه مامته صحبتى وجت عطتنى الصوره عشان اورهالك وقوليلى رئيك المهم لقيت نفسى بتشدله شويه وبعد يومين هو جالى وعطانى دوسيه وقالى صورى الورق ده وحعدى عليكى بعد شويه اخده بصور الورق لقيت جواه جواب وكاتب فيه كل شىء عنه ومكنش فيه ولا كلمه رومانسيه بامانه بس كاتب اسمه وسنه وانه لسه متخرج ومعندهوش شقه ولا لسه اشتغل ولسه مش عارف مصيره من الجيش يعنى على الحديده زى مبيقوله هههههههههههه وقالى انا عارف انك ممكن ترفضينى بس قولت اخد الخطوه عشان مندمش بعد كده لو بقيتى لحد غيرى المهم انا لما قريت الجواب كنت حسه انى مسكه نار وجسمى كله سايب واتصلت بخطيبه اخويا لانها سكنه جمب المكتبه وجتلى ووريتها الجواب وقالتلى عادى بس انا قطعته مليون حته عشان بابا ميزعئش ولغايه دلوقتى محدش يعرف بالجواب خالص غيركم طبعا هههههههههه وعده يوم وجالى تانى يوم وقالى بكل رقه قريتى الجواب قولتله ايوه قالى وايه ردك قولتله روح لخويا وهو يقولك سالنى كذا مره وانا هكذا نفس الرد شليته يوميها وفعلا جه لخويا بليل فى المحل وحكاله حكيته واخويا قاله سبنا نفكر واديها وقت تصلى استخاره ونرد عليك
اكمل ولا ايه لو لقيت مشاركات وناس متحمسه للموضوع حكمل

» حكايات البنات يوم النظرة الشرعية؟؟طرائف حلوة