(( منتديات بنات محافظة حلوان2010 ))

(( حـرية )( عدالة )( اجتماعية ))
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 هحكى اكبر سر فى حياتى وهقول حقيقه قصه زواجى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 343
تاريخ التسجيل : 11/02/2010

مُساهمةموضوع: هحكى اكبر سر فى حياتى وهقول حقيقه قصه زواجى    الأربعاء أكتوبر 17, 2012 4:54 am


اللهم صلى وسلم وبارك على سيدنا وشفيعنا محمدا صلى الله عليه وسلم

اللهم صلى عليك يا نبى

حبيت ابدأ كلامى بذكر الحبيب المصطفى ليتسع صدوركم لسماع [ندعوك للتسجيل في المنتدى أو التعريف بنفسك لمعاينة هذا الرابط] بصدر رحب لعلها تفيدكم

كتير منكم سمع منى [ندعوك للتسجيل في المنتدى أو التعريف بنفسك لمعاينة هذا الرابط] فى بيت الاسره ولما اتجوزت ولكن كلامى كان قصير عن

[ندعوك للتسجيل في المنتدى أو التعريف بنفسك لمعاينة هذا الرابط] ولكنى كنت خجلانه احكى الحقيقه لانى بندم على حاجات كتيره فى [ندعوك للتسجيل في المنتدى أو التعريف بنفسك لمعاينة هذا الرابط] هفهمكم

الموضوع عشان متهووش منى

انا الاول كنت تايهه فى[ندعوك للتسجيل في المنتدى أو التعريف بنفسك لمعاينة هذا الرابط] ومكنتش مستقره لانى زى ما حكيت لكم قبل كده محدش

ربانى ولا نصحنى ولا نبهنى لدينى ودنيتى وربنا وحده هو اللى منن عليا بنعمته ونور بصيرتى عن

الضلال اللى كنت فيه انا مكنتش محجبه ولا بصلى ولا عمرى فكرت انى ممكن اموت

فى يوم من الايام فى اى لحظه وساعتها مش هبقى عارفه اقابل ربنا ازاى

كنت برضه مرتبطه بانسان كنت فاكره انه بيحبنى زى ما بحبه لكن اكتشفت فى الاخر انى كنت بالنسبه

له حاجه جميله بيتباهى بيها فى وسط اصحابه والناس

الانسان ده كنت عايشه حياتي ومكرساها ليه هو فقط مش لحد تانى بصحى وقت ما هو يصحى

وانام وقت ما هو ينام كنت لازم اقابله كل يوم ولا يوم مشوفتهوش فيه ببقى

زى المجنونه وحاسه كأنى حاجه نقصانى ومبشيلش التليفون من على ودنى وانا بكلمه كانت روحى

متعلقه بيه بس عمرى ما سالت نفسى يا ترى هو كمان بيحبنى زى ما بحبه اصل الحب مش

كلمه بحبك ووحشتينى وبموووت فيكى بس الحب افعال وليس اقوال

المفروض انى وقتها كنت صغيره فمقدرش اكلمه فى جواز على حسب ما كنت فاكره او زى ما كان

هو مفهمنى انى لسه صغيره جدا ع الجواز ووقتها كنت 17 سنه طب صغيره ع الجواز ومش صغيره على الحب

بس حبى ليه كان عامينى عن الكلام ده كله

لغايه ما فى مره حاول يتطاول معايا بالكلام عشان يوصل لحاجه معينه انتوا فاهمينها طبعا

وانا الحاجه دى رغم بعدى عن ربنا سبحانه وتعالى وغيابه الرقابه الاسريه عليا الا

انى برضه كان شئ الهى فيا انى لا الا الحاجه دى ولا حتى فى الحدود محدش يستاهلنى غير اللى

هيتجوزنى مهما كنت بحبه لما لقى مفيش فايده منى بدأ يبعد عنى عشان يعذبنى ببعده

واضطر اوافق له على كل اللى كان عايزه بس وقتها انا استقويت شويه وبدأت افكر

هو ليه عمل معايا كده طبعا فى الاول كنت زى العبيطه بعيط ومنهاره ومباكلش وخسيت النص وعينيا

باظت من قله النوم والسهر والدموع ومبفكرش غير فى الايام الحلوه وانى ازاى ممكن اتجوز

واحد غير حبيبى ده بس لما فقت شويه وشغلت عقلى اللى كان واقف زى الساعه البايظه قلت لنفسى

ياترى هو عمل معايا كده ليه ؟ ياترى لو كان بيبحبنى بجد مكانش فرح من رد فعلى بدل ما يزعل

المفروض انى الراجل بيحب البنت المحترمه وسالت نفسى ياترى انا محترمه بجد ولا لآ

دخلت اوضتى وفتحت دولابى وطلعت هدومى القصير والضيق والنص كم والحمالات كمان وسالت

ياترى وانا بلبس اللبس ده هو كان شايفنى محترمه ياترى لما سمحت له يمسك ايدى

كان شايفنى محترمه وقعدت احاسب نفسى كتييير وبدأت وقتها اعرف يعنى ايه احترام بجد لانى رغم

عدم موافقتى على الغلط الا انى كنت كل حاجه فيا غلط واكيد ربنا عمل فيا كده لانى مراعتهوش

فى كل حاجه حبيت انسان مش كويس بدل ما قربنى من ربنا بعدنى عنه

بدل ما قالى اتحجبى واحتشمى عمل العكس وطلب يهتك عرضى اما هو نفسه شايفنى عارضه

نفسى ع الناس كلها وكنت فاكره نفسى وقتها حلوه

عرفت انى لو هو غلطان قيراط فأنا غلطانه 24 قيراط ولما قريت فى القرأن انى الطيبون للطيبات

والخابثون للخابثات عرفت انى طول ما انا على الحال ده ربنا مش هيبارك لى ابدا فى حياتى

خدت اول خطوه وهى الصلاه بدأت اعود نفسى عليها فى الاول كنت بقطع لغايه ما اتعودت عليها زى

الاكل والشرب ومبقتش اسهى عنها ابدا

الصلاه فتحت قلبى على قرايه القران ان شاء الله كل يوم صفحه واحده بس كنت بقرأ وبفهم

مش مجرد قرايه وخلاص واخر خطوه كانت التزامى بالحجاب بس برضه مكانش حجاب

شرعى لكن مع الوقت مرتحتش غير فى العبايات بصراحه حسيت انها ستره جميله وبتمنى

دلوقتى انى ربنا يكرمنى وارتدى النقاب المهم عشان متوهوش منى

بعد ما عدت فتره كبيره شويه تقريبا سنه قابلت الشاب اللى كنت اعرفه صدفه وانا اللى عرفته

وهو معرفنيش اول ما شافنى قالى ايه اللى انتى عاملاه فى نفسك ده

قلت له ايه انت شايفنى لابسه بدله رقص قالى لا بس انا مش متعود اشوفك كده

انتى اتجوزتى ولا ايه ضحكت وقلت له هى اللى بتتحجب تبقى لازم تكون اتجوزت راح سكت

وقالى ع العموم ربنا يوفقك بس الحجاب مكبرك قوى ومش لايق فيكى

قلت له بس عاجبنى وانا مرتاحه دلوقتى اكتر يلا مع السلامه عشان عايزه امشى مد

ايده عشان يسلم عليا قلت له سلامك وصل بس مش هقدر احط ايدى فى ايدك سلاااااااااااام

وقتها اتأكدت انى دى رساله من ربنا ليا انى الانسان الانسان ده مكانش خير ليا

وفعلا ندمت على كل لحظه ضيعتها معاه وركعت لربنا وطلبت السماح وحمدته طبعا انى شيطانى

مغلبنيش وممشيتش فى سكه اللى يروح ميرجعش رغم انى كنت لوحدى

مكنتش بحكى لحد حاجه لانى اصلا مكانش فيه حد يسمعنى ولا ينصحنى لانى اللى حواليا

كانوا محتاجين النصيحه بس الحمد لله كانت ايام صعبه وعدت على خير الف حمد وشكر

ليك يارب

بعد فتره بس مش كبيره قوى جه واحد اتقدم لى بطريقه تقليديه ولا اعرفه ولا يعرفنى

كل اللى عملته صليت استخاره ولقيتنى بقول موافقه

كل حاجه كانت سهله وخلصت بسرعه جوازنا مكانش فيه اى تعقيدات والحمد لله

ولما اتجوزت عرفت انى ربنا كرمنى من وسع وقلت لنفسى انا ازاى فتحت قلبى فى يوم من الايام

لواحد غير الراجل ده ازاى انا عارفه اوحش واحد وفجأه ربنا يرزقنى باحسن واحد

طبعا كل واحده عندها جوزها احسن واحد صح ولا ايه ؟!!!

كل ما كنت اقصر من ناحيه ربنا كان ينبهنى اوعى الحياه تسهيكى عن اللى خلقك

لما اتأخر الحمل بقى هو مصبرنى وكان اقوى منى فى صبره

وحتى لما حملت قالى لازم نعمل حاجه لله لانها اقل حاجه ممكن نشكر بيها ربنا على

كرمه الكبير علينا وحتى اليومين اللى فاتوا لما سقطت وفقدت جنينى اول حاجه قالى نصلى

انا وانتى ونقول الحمد لله اكيد ربنا ليه حكمه فى كده واول حاجه قالها اللهم لا اعتراض على قضاءك

والحمد والشكر ليك يارب

وانا كمان لما قلتها ارتحت ومحسيتش انى حزينه والحمد لله

خلاصه الرغى ده كله انا استفدت من كل اللى مريت بيه انى الانسان كل ما يزيد ايمانه بالله

عز وجل ويكون الايمان من الداخل بجد مش من الظاهر او لمجرد الخوف من دخول النار

بيقدر على الحياه لانه بيحس انها ولا حاجه ولا اى حاجه ولا تستاهل دمعه عشان انسان ميستاهلش

ولا تستاهل انى الواحده تغضب ربنا عشان بتحب واحد وانى طول الواحده ما تراعى ربنا

كل ما ربنا يرزقها بالاحسن ويبارك وكفايه قوى بركه ربنا دى كبيييييييييره قوى قوى قوى وفعلا الواحد

كل اما يقرب من ربنا بيندم على اى غلطه فى حياته حتى لو كانت مجرد انك سمعتى اغنيه

انا ارتحت قوى لما اتكلمت معاكم ويمكن ربنا الهمنى انى اكتب الموضوع ده عشان اشيل غمه عن

عين واحده لسه بصيرتها متنورتش واتمنى انكم تستفادوا من تجربتى زى ما انا استفدت منها

واكتر وربنا يرزق كل البنات بالازواج الصالحه ويبارك لكل واحده فى زوجها واولادها

ويرزق كل مشتاقه ويرزقنى معاهم بالذريه الصالحه المعافاه والسليمه واسفه على الاطاله واتمنى

من الله الخير لنا جميعا

[ندعوك للتسجيل في المنتدى أو التعريف بنفسك لمعاينة هذه الصورة]cheerscheerscheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://panathelwan.yoo7.com
 
هحكى اكبر سر فى حياتى وهقول حقيقه قصه زواجى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(( منتديات بنات محافظة حلوان2010 )) :: (بنات حلوان المنتدىالعام) :: منتدى فضفضة و تجارب-
انتقل الى: