موضوع: تعالوا وشوفوا الكاستر والجيلى ببسكوت البوريو الأربعاء أكتوبر 17, 2012 5:04 am
نبدأ بسم الله
اول حاجه عملتها جبت حله وحطيتها على النار وضيفت فيها 3 معالق كاستر بودر + 2كوب ماء + 4 معالق لبن بودر ( او نص كيلو لبن عادى ) بدل المايه واللبن البودر وعملت الكاستر وقسمته نصين نص زى ماهو والنص التانى حطيت عليه معلقتين كاكاو وجبت كاسات وكسرت فيها بسكوت بوريو وحطيت طبقه كاستر وطبقه بسكوت وهكذا لحد ماتملى الكاس وبعدين حطيته يجمد فى الثلاجه تانى حاجه جهزت الجيلى 2كوب ماء واحد مغلى وواحد عادى وحطيت عليهم الجيلى البودر وسيبته يبرد شويه وبعدين صبيته فى اطباق وكسرت عليه بسكوت بوريو وحطيته فى الثلاجه يجمد بجد يابنات طعمه تحفه على فكره يابنات ده جيلى اناناس بس طبعا لون اغمق من البسكوت وبعدين جبت اطباق تانيه صبيت فيها الكاستر وقطعت عليه تفاح ورشيت عليه بشر شوكولاته