هو الرقص بجد بيخسس يابنات؟

صباح اللوز يابنات

انا جايه اسالكم سؤال في السريع دلوقتي انا عملت بنصيحتكم وغيرت الدكتور اللي قالي ياتخيييينه وكلمني بعدم اهتمام علشان انا 82 كيلو

المهم الدكتور الجديد نصحني نصايح حلوة اوي وبجد محترم اوي اوي اوي وقالي اعملي رياضة ساعه وارقصي ساعه وانا من صباحيه ربنا حاسه اني قالبه الاوضه كباريه وفجأة حاسه اني هبله اوي اني سمعت الكلام كده على طول من غير مااشوف تجارب عمليه حقيقية

وهاتك ياسامو زين والورد الاحمر عوووده وجماله معدي حدوده هههههههههههههههههههه


يابنات بجد اللي تعرف و جربت الرقص في التخسيس تفيدني وتقولي هو الرقص العادي ده هو المطلوب ولا الرقص بطريقه معينه ؟ انا اصلي نيله اوي اصلا ومش بعرف ارقص


بس الدكتور ده حطلي خطه هتخسسني انا ومجموعه كبيرة معايا بنفس الوزن هنخس 24 كيلو في الشهر ومعتمدين بشكل كبير على الكلام اللي قاله د احمد عماره بتاع التخسيس بقوة العقل و الاقتناع التام اليقين يعني

الخطه كالتالي

الاسبوع الاول هننزل 7 كيلو

الاسبوع الثاني 6 كيلو

الاسبوع الثالث 6 كيلو

الاسبوع الرابع 5 كيلو



شجعوني بقى يابنات الله يخليكم وقولولي الرقص اخباره ايه في الريجيم