(( منتديات بنات محافظة حلوان2010 ))

(( حـرية )( عدالة )( اجتماعية ))
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 وصفة لو عملتيها كأنك عملتى كيراتين لشعرك تعالى ومش هتندمى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 343
تاريخ التسجيل : 11/02/2010

مُساهمةموضوع: وصفة لو عملتيها كأنك عملتى كيراتين لشعرك تعالى ومش هتندمى   الأحد أبريل 21, 2013 4:17 am

السلام عليكم يافتوكاتى عاملين اية بصوا بقى انهاردة جايبلكوا وصفة ممكن كتير يكونوا عارفينها وانا كمان سمعت عنها كتير بس ماكنتش اعرف فوايدها دى تعرفوا يابنات ان الوصفة دى لو عملتيها كأنك عملتى شعرك ربع كيراتين طبعا كلنا عارفين الكيراتين وفوايدة وسعرة الغالى جدااااااا والمشكلة كمان انة لو اتعمل غلط لاقدر الله بتبقى مشكلة
طيب كفاية رغى بقى وندخل فى المهم احنا هنحتاج اييييييية


موزة مستوية ومش مستوية يعنى بايظة لا تكون صالحة لللاكل وفى نفس الوقت مش خضرا
وصفار بيضة وانا هنا استخدمت صفار بيضة بلدى لانة افيد بكتير حتى شوفة لونة فى الصورة ولومفيش بلدى مش مهم الموجود وخلاص
المهم تاخدى الموزة وصفارالبيضة وعلى الخلاط تضربيهم كويس جدااا جداا لحد مايبقوا كدة

تماااام شايفين شكلها عامل ازاى لازم تخلطيها كويس جداا علشان الموز مايبقاش فية حتت ويلزق فى شعرك
تكونى بقى غسلة شعرك كويس جدا ويبقى نضيف زى الفل وتبدأى توزعى الخلطة دى من الجذور للاطراف كويس ومتخفيش والله البيض ملوش اى ريحة بالعكس دى ريحتة موز جدا بعد ماتخلصى تحطى بونية او كيس على شعرك وتربطى طرحة عادى وتسبيها ساعتين وبعدين ادخلى اشطفى شعرك الاول بالمية كويس جداا وبعدين تغسلية بالشامبو مرة واحدة بس انتى لو شطفطية كويس الاول مش هيغلبك خالص ومش هتحتاجى تستخدمى الشامبو اكتر من مرة
بس كدة ونشفى شعرك بالراحة واصبرى متسرحيش على طول وهو مبلول علشان غلط
بجد ياجماعة الوصفة دى رائعة لان صفار البيض غنى جدا بالبروتين اللى الشعر محتاجة والموز برضو بينعم اشعر اوى وزى ماقولت الوصفة دى بتعادل ربع كيراتين يعنى لو عملناها مرة فى الاسبوع هانبقى غذينا شعرنا ومش هنحتاج لا لكيراتين ولاغيرة انا بجد عملتها وحسيت بفرق فى شعرى وناوية استمر عليها ان شاء الله
وقولت لازم افيدكوا زى مابتفيدونى يلا عاوزة تقييييييييم ودعوة حلوة كدة استودعكم الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://panathelwan.yoo7.com
 
وصفة لو عملتيها كأنك عملتى كيراتين لشعرك تعالى ومش هتندمى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(( منتديات بنات محافظة حلوان2010 )) :: ( منتديات الأناقة و الجمال ) :: منتدى العناية بالشعر-
انتقل الى: