موضوع: عروسه وعاوزه ابقى موزه فى فرحى الأحد أبريل 21, 2013 4:25 am
يا بنات انا فرحى قرب ومحتاجه فتوكه كده تكون عسوله ومرت بالحكايه ديه عاوزه مجموعه عنايه بالجسم تكون بتتباع كده لوكشه واحده حلوة لوكشه واحده ديه شكلى هيست يعنى مش عاوزه واحده تقولى روحى جيبى زيت اللوز الحلو ومش عارفه المر وبعدين تقولى روحى الصيدليه جيبى مش عارفه مقشر ايه عاوزه مجموعه بتتباع كلها مع بعضها للعنايه بالجسم وتكون جربتوها كده وحلوة وياريت تكون حلوة وسعرها حلو وبتجيب نتيجه حلوة يعنى كله بيجى مع بعضه كده ويكون متجرب بالله عليكو عشان بابا شكله هيطردنى من البيت بسبب الكريمات والحاجات ديه يعنى عاوزه حاجه تتطرى جسمى وفى نفس الوقت تبيضه وافضل استخدمهم لحد ما اتجوز وياريت حاجه برده لكعب رجلى يخليه طرى كده واحمر وبرده يكون سهل ومتجرب يارب حد يفيدنى انا جسمى بحسه محتاج ترطيب بس محتاجه حاجه يكون الجسم بيتشربها بسرعه مش تكون زيتيه كده والزيت يفضل فى جسمى لكن بيطلعلى حبوب انا عاوزه حاجه الجسم يمتصها بسررعه كرباميد او بنثيول الجسم مش بيتشربهم بسرعه بيكونو مدهننينن كده و بيفضوا فتره كده بزهق منهم بجد وبسمع ان فى بودر كده بيدى لون وردى للجسم وكمان عاوزه حاجه لترطيب المنقطه الحساسه وتتطريها كده انا سامعه يا اختشى ان المنطقه ليها بودر او للجسم بيخلى لون الجسم وردى كده ال يعيش ياما يشوف يا اوااااااختى وقال ايه كمان ليهم معطر مخصوص يخلى الريحه حلوة انا عاوزه من ده ما ليش دعوة يعنى يا بنات كل حاجه ال عنده حاجه يقول وياريت تكون مجموعه واحد يا بنات اشتريها واخلص مره واحده لانى بزهق بجد لما بروح كل شويه حته واجيب منها حاجه