ازيكم ازيكم انا جاية اقولكم علي اكلة تحفة كنت قاعدة في يوم من الايام قدام التليفزيون وشوفت ايه خير اللهم اجعله خير الشيف يسري طبعا كلنا عارفينه بيعمل ايه دجاج تكا فقولت يابت ايه متعمليها وهي سهلة ومش بتاخد وقت وهو تغيير لجوزك حبيبك قولت هعملها ولو طلعت حلوة هقول للفتوكات عليها وفعلا طلعت خير اللهم اجعله خير جمييييييييييييييييييييييييييييييييييييييييييلة قووووووووووووووووووووووووووووووووووووووي
اقولك بقا المقادير انا جبت صدرين فراخ وقطعتهم قطع صغيرة وحطيت عليهم بهارات التكا اللي هي ايه يابنات هي م ص كمون* م ص كزبرة * 1/2 م ص حبهان ناعم* م ص زنجبيل ناعم * 1/4 م ص كركم * 1/4 م ص بابريكا* م ص توم بودره * 2م ص عصير ليمون * 2م ك ماء البصل * 2م ك صلصة طماطم * 4 م ك زيت زيتون * علبة زبادي *وملح وفلفل
خلط الفراخ مع البهارات وهيلا بيلا علي فين ياحلوين علي التلاجة ليلة كاملة شوفتوا الفراخ والخلطة شكلهم ازاي مفيش اي ملامح للفراخ ياحرااااااااااااام وتاني يوم جبتها وحطيتها في الصينية متغلفة بورق الومنيوم وعلي الفرن وغطتها ودخلتها الفرن بالسلامة لحد ماتستوي قولت بقا استريح شويه صغيرين واعمل العيش البوري عملته ازا ي 3ك دقيق وم ص ملح م ص سكر 1/2 م ص بيكنج بودر و3 م زيت وكله علي بعضه واعجنهم بشوية ميه دافيه لحد ما العجينة تلم معايا ومتلزقش وبعدين ايه بقي سبتها ربع ساعة وقطعتها كور صغنتوتة وسبتها تاني 1/4 ساعة تانيين وبعدين جبتها وفرد كل كورة زي الرغيف وتكون رقيقة شوية مش تخينة وقلبوظة وخلصتهم فرد وروحت اريح شوية وجبت الزيت وحطيته علي النار واستنيته لحد ما سخن وحطيت العيش فيه اول ما بيتحط تلاقيه تنفخ وهش وبالكبشة تحطي زيت علي الوش يتحمر كمان وبعدين نطلعه والزيت ينشف منه وناكلهه هم المم اقولكم انا كلت واحد وانا بقلي الباقيين من حلاوته مستنتش
وعملت كمان بطاطس بالفرن انما ايه حكاية جبت البطاطس وقشرتها وقطعتها طولي وحطيت عليها شوية زيت وملح وفلفل وبابريكا وسبتهم يجي نصف ساعة اوساعة ودخلتها الفرن تستوي هي كمان
وبعد ما الفراخ والبطاطس يستوا شغلت عليهم الشواية علشان يحمروا شوية وكدا خلاص ياحلوين وجبتلكم طبق للي هترد عليا
كنتم مع الفراخ وkatkota الي اللقاء في حلقة جديدة ونلقاكم علي خير باذن الله ونتمني ان نكون اسعدناكم
بصوا شوفوا دجاج تكا الجميل ومعاه حاجات اجمل من ايد
الأربعاء ديسمبر 01, 2010 5:25 am
