في يوم من الايام وما اكثرها من ايام اختكم المهيسة جدا نست كارت الدخول ده فرحت الشغل واتفاجات اني نسيت الكارت وفضلت واقفة قدام الباب ربع ساعة وانا موتي وسمي [ندعوك للتسجيل في المنتدى أو التعريف بنفسك لمعاينة هذا الرابط] مش بقدر. وكان في وش الباب مكتب واحدة زميلتي وكانت قاعدة وبصتلي في [ندعوك للتسجيل في المنتدى أو التعريف بنفسك لمعاينة هذا الرابط] وانا شاورتلها ان تعالي افتحيلي الباب بس هي راحت وشها في الكمبيوتر وطنشت خاااااااالص.
انا هنا بقى وكان في دخان بيطلع من وداني والشيطان قاعد قدامي يتنطط ويقولي ايه قلة الذوق دي وانا شايطة وعلى اخري المهم دخلت اخيرا حد تاني من زمايلنا فتحلي ودخلت ضبحت على كل الناس الا هي وفضلت شايلالها الموقف ده ومش بنساه وباعتبرها قليلة الذوق.
وتعدي الايااااام والشهوووووور وتتنقل البنت دي وتروح مكان تاني وفجاة قرروا في الشغل ان انا اتنقل انا كمان من مكتبي الحالي لمكتبها لانه هايبقى[ندعوك للتسجيل في المنتدى أو التعريف بنفسك لمعاينة هذا الرابط]للقسم بتاعي. وبرضه تعدي الايام والشهور وابص ادامي على الباب الاقى خيال واقف على الباب مش قادرة افسر مين اللي واقف ولا ايه اللي بيحصل برة ولا اي حاجة مجرد خيال لان في نور جامد ضارب في الباب مخليني مش شايفة اي حد.
وفجاة الباب اتفتح والخيال دخل وطلعت هي قالتلي انا كنا بشاورلك من برة بس يلا مش مشكلة انا[ندعوك للتسجيل في المنتدى أو التعريف بنفسك لمعاينة هذا الرابط] انك مش شايفاني غشان النور.
ساعتها زعلت من نفسي اوييييي واتكسفت بس قلت اجي اقولكم لازم تدوا للناس اعذار حتى لو باينلك ايه افترضى حسن النية عشان لما انتي تعملي حاجة من غير قصد الناس تحسن نيتها فيكي.
وربنا وحده هو اللي عالم اني باكتب الموضوع ده عشان افيدكم ويارب يكون صدقة جارية وكل واحدة تحكم على اي حد بسوء نية تفتكر موضوعى ده حتى لو بسيط وتحسن الظن بالناس.