موضوع: علاج عيييييين السمكة من تجربتى الشخصية الخميس أبريل 18, 2013 1:51 am
السلام عليكم
فيه ناس كتير بتعانى من عين السمكة وانا واحدة من الناس دى بتظهر لى دايما فى ايدى ومن اسبابها ضعف المناعة وناس كتير بتتعب فى علاجها واللى بيشيلها بالكهربا والتبريد وفيه بيقولو بترجع تانى انا حبيت انقل لكم تجربتى وبالصور كانت فيه اخوات هنا قايلين على روح الخل وناس استغربت بس انا بعمل بيها دايما ومش بعالجها الا بروح الخل وجبتلكم الصور من اولها لاخرها علشان تتاكدو ودى صورة ازازةروح الخل من الصيدليه بجنية ونص
سميت بالله وتدهنى حولين عين السمكة فازلين علشان الجلد حواليها ميتهريش ونقط على العين وحقولكم بصراحة كانى نقط ماية نار وبقى صباعى يحرقنى بس اتحملت الوجع قصاد وجع عين السمكة اتحملته ودى صورتها لما نقط مرتين
بصو حوافها بقت بيضا ولو دققتو تحسو انها عامله زى العيون وبقت عاملة كانها بتكور كده وعاملة قشرة ودى صورة اقرب
وبعدين القشرة دى بعد 4 ايام شيلتها حسيت انها عملت زى ماية تحتها شيلتها وحطيت على الحفرة اللى تحتها وبردو بقت تحرقنى اوى وده شكلها ابتدت تنشف وبردو بقيت احط واستحمل الوجع
وهنا بتها يومين تنشف وبقيت احط تانى لحد ما لمت خاااااااااااااااااالص وخفت الحمد لله وده صباعى بعد التجميل
ودى يا بنات تجربتى وبجد هى متعبة اوى وروح الخل بتوجع بس اتحملت روح الخل لان عين السمكة بتوجع اكتر وكان ليها جدور فجدورها ماتت من روح الخل وربنا يشفى ويعافى اى مريض بيعانى من اى مرض وادعولى ربنا يتم شفائى على خير ارجو من المشرفات يثبتوه شوية علشان الاخوات اللى بيعانو من عين السمكة تشوفه